قصة الشكشوكة خخخخخخخخخخخخخخخ2

وجلست 3 ايام بلياليها 24 ساعه شغاله طبخ بهالشكشوكه لين اتقنتها واروح لامي واقول لها امي تعرفين ام محمد

قالت ايهم
قلت ام محمد ماغيرها مره ولد خالتس اللي قد جت وهي لابسه تنوره وتحتها بجامه ناسيتن تشيلها
قالت ايه وش فيها
قلت خل نعزمها يوم على نواشف وشكشوكه ابيها تذوق طبخي
ماكملت الكلمه الا والفنجال طابع على جبهتي
امي:ثوره انتي ولا وشو بالضبط الناس تعزم على عزايم زي الناس وانتي على نواشف وشكشوكه اختاري شين زين ولا لاتعزمين وش يقولون الناس عنا بنتهم ماصدقت تعرف تسوي شكشوكه قامت على طول تعزم خلق الله عليها
وانا اللي اطب و اتقضب بأمي يمه تكفييييين تكفييييين قالت امي اقوووول لا وانقلعي عن خشتي حطي لي قناه فتافيت


قلت مالي الا جدتي
واروح لها
انا : هلا والله بالغاليه ام الغاليه هلا بالزين كله هلا بالعجوز اللي ماتعجز
جدتي: وش تبين من هالحين انجزي
انا: تخبرين ام محمد مره ولد اخوتس
جدتي وش فيها
انأ: موب تسنه مبطين عنها وعن ولدها مازرناهم ولا زارونا
جدتي : قامت تبتسي وتشقق ملابسها الا والله لاتذكريني بس يتقطع قلبي
انا: لاتصيحين قطعتي قلبي طيب ورا مانعزمهم عزيمه بدون كلافه يقالها من اهلنا نواشف وشكشوكه
جدتي : والله ماعندي مانع خلاص اكلمها واشوف متى يناسبها واعزمها

وانا اللي اقوم واحب راسها لين شفطت مخها وانقز وابدا اتدرب واتدرب واتدرب لين مل التدريب مني وابحث بالنت وافتش عن طرق جديده للشكشوكه
وبينما انا ابحث وابحث وقفت الدنيا مره ثانيه وتطلع لي ام سأد قالت لي عووو قلت يمه
ام سأد هااه اشوفتس مستانسه شاده حيلتس اجل تبحثين افتحي على مواقع هالحريم شوفي اكيد ينزلون مواضيع طبخ جديده موب كلش شكشوكه
انا : لالا والله لاملي لها الدنيا شكشوكه همن ترا شكشوكتي مهيب مثل اول تحوم التسبد كله مطاريس لالا هالحين قمت اعطي وصفات بعد وصرت خبيره بهالنوع من الطبخات مايحتاج اعلق انتي شامتن ريحه بيتنا شلون صايره اصدقاء اخواني قاموا يعايرون اخواني يقولون لهم يا مصاريه كل يوم ساندوتش شكشوكه شناطهم صارت ريحتها بيض لو تشمينها تروحين فيها وطي موب من شيانتها لالا من حلاوت ريتحتها < ايه هين
قالت لا على كذا يبي لي اجي يوم واكل من طبختس ماعلينا المهم لاتنسين التقشير ترا والله ان ماسويتي اللي اتفقنا عليه والله لالعن ابو خيرتس قلت ابشري من عيوني قالت يلا انا بروح اسير على باقي القوم قلت وراه انتي موب حقت قاعه وحده قالت الا بس سويت انتداب ريثما ترجعين قلت اها لا ابد ان شاء الله اني منيب مطوله
قالت زين يلا اشوفتس بعدين واختفت

ورجعت اتدرب واتدرب لين قضا غازنا ونسيت اقول لامي ترا الغاز خلص
نادتني جدتي ومير اني اروح لها
انا:هلا
هي : ترا خلاص المره تقول باتسر بجي
قلت : تم واحلى شكشوكه بسويها انا

ومير يجي بكرا واتكشخ تاره اضبط بهالشعر وتاره بالميك اب وتاره اختار ملابس وهكذا لين جا الليل وجت المره وجابها ولدها وهـ بس
واروح ابدا اسوي النواشف زيتون قشطه جبن بجميع انواعه مرتديلا وكل شي شفته قدامي حطيته
والف وجهي للبيض وارمقه بنظره وابدا اضبط واسوي فيه لين جيت احطه على النار
احاول اشغله عيا يا ولد اشتغل ماش معيي واذكر ان الغاز مخلص

وانا اللي اقوم اصيح وش اسوي يعني مستقبلي ضاع وشو استسلم للامر الواقع واخلي سوير تعرس عليه وتمر بخيالي صوره سوير وهي على الكوشه بفستانها الغبي وجالسه جنبها ذاك الطخمه لالا مستحيل والله ما اخليها تاخذه وبسوي الشكشوكه لو على رقبتي ... طيب وش اسوي يعني من بيجيب لي هالحين غاز فكرت وفكرت وفكرت
قلت في نفسي الحين ورا ما العب على الحبلين مير اللي اشقل عباتي واطلع والقا محمد موجود ماراح وانا اللي اجي عنده وارمش له بعيوني واقول لو سمحت غازنا خلص وسواقنا منحاش وودي اطبخ لاميمتك ومطلوبه بتقشير وحالتي حاله
قال : هاه وشو
قلت تجيب لنا غاز الله يسلمك وكثرت من رمشات عيوني
قال اييييييييه ابد ولا يهمك
قلت اجي معك
قال لالا كله رجال
قلت وهـ تغار علي
قال وشو
قلت ولا شي رح جب بس

وجاب الغاز وطبخت لها 100 نوع مره شكشوكة مع القهوة والتمر ومع الفصفص شكشوكة مع الشاي شكشوكة حتى مع المكسرات شكشوكة كل شكشوكة غير اختها اشي مفلفل اشي معه كراث اشي نص استوى واكلتها ام محمد وخقت مع طعمها قالت الله يهبل وش زينها قلت تخطبيني
قالت وشو
قلت امزح وش فيتس هه هه هه
مادريت الا من باتسر جايين يخطبوني
ووافقت ووافقوا

ورجعنا للقاعه وانا اللي انزف واستانس وانهبل واقوم ارقص
وتوقفت الدنيا مره ثانيه
وطلعت لي ام سأد وانا اللي انقز واخمها قالت وخري عني ويلا وين اتفاقنا اللي اتفقنا عليه
قلت معلييييش بس انا لهيت بالبيت وتقشيره ونسيت تقشيرتس
قالت اها بس يلا احجزي لي هالحين
قلت بس مامعي فلوس
قالت والمهر وين راح
قلت خلصته كله
قالت وتبن يا حماره يا التسلبه انا اسوي لتس كل هذا وانا اللي خليتس تعرسين على الزلابه محمد واخر شي تجين تقولين لي ما معي فلوس تبين ارجعتس واخلي سوير تعرس عليه
قلت لالا واللي يرحم والديتس لا
قالت ترا اقدر اسويها ما هنا اسهل منها
قلت احب يدتس لالا تكفين انا ماصدقت على الله تجين تخربين كلش اطلبي اللي تبينه وبسويه لتس
قالت طيب اصبري افكر شوفي اذا جبتي عيالتس ابيتس تسمينهم على اسامي عيالي
قلت ولا يهمتس تم..
..

..


..


ومرت الايام وجبت 3 عيال زي القممممر




سأد وسئيد ومسؤوود





وصرت انا وعيالي وابونا نموت بشي اسمه شكشوكه حتى ان فسحتهم كل يوم حبتين صامولي بالشكشوكة كل واحد بنكهة غيرالثانية واحيان يتعشون شكشوكة وصارت الشكشوكة اكلتنا الاساسيه بالبيت لدرجه ان بيتنا صار ريحته خياس لا من الكشنة ولا من ناتج عملية الهضم




تمت بحمد لله

قصة الشكشوكة خخخخخخخ