الجمعة أكتوبر 30, 2009 11:00 am من طرف 
اكثر ما كثر الله بالعطله العروس واشين شي لاشفت وحده تعرس على واحد كنت حاط عينك عليه وكنت 24 ساعه تتميلح قدام امه كودها تخطبك بس للاسف تروح وتخطب لولدها شخص ثاني اشين منك وارفل منك هذا ما حصل معي قبل 20 سنه مضت ..
الو الو واحد اثنين ثلاثه الف الصلاه والسلام عليك يا حبيب الله محمد كلوووووووووووووش تغطن يا حريم العريس بينزل مع العروسه تغطن واستحوا على وجيهكم الله يصلحكم وبدت الزفه ونزلت العروسه والعريس الله يا زينه ياهو طخمممه طالع ازين منها ورا شنبه كذا حالق نصه طالع تسنه ابرص شوفي شوفي الولد مستحي والمره لا عرسان اخر زمن والله من قله الحيا المره تسنها تبي العرس شوفي فستانها وششش هاللون الله يرجها اول مره اشوف فستان عرس احمر حليلها سوير مستحيه طيب المكياج اتركي عنتس المكياج شوفي الرجال وع شيفه لا لا حرام والله انه يهبل حسوفه عليه هالبنت < عادي اختلاف اذواق
بدو الناس رقص وغنا وعرض ازياء ايشي اسود اشي احمر اشي اخضر ورايحين جايين يسلمون على المعاريس ويضحكون ضحكتهم الصفرا تميلح قدام العريس هذا ماكان يدور في قاعه الزفاف آن ذاك ..
انا بيني وبين نفسي : اااااااه بس يا زمن لعبت فيني ومرمطتني مرمطه انا وش انا مسويه يوم يصير كل هذا فيني الله يقلعتس يا سوير ماحطم حلمي الا انتي متى اخذتي هالطخمه اذا انا طول الوقت اتميلح قدام امه بعرف متى اخذتيه اااخ بس ليتني متميلحه اكثر يمكن اصير انا اللي بالكوشه ااااااه يا قلبي بس ااااه لو ارجع واوريتس شغلتس واربيتس واتسنع صدق قدام اميمته ااخ
فجأه طلعت وحده مدري من وين عبده جثه تحلفون انها كانت تلعب كوره سله ملابسها كله برتقالي ×برتقالي لاماع المتر بـ 10 تريل عيونها فسفوريه تلمع مركبه سنون ذهب شعرها لو تكدون فيه سنه ما انكد لو تجيبون مكيف صحراوي قبالها ماتحرك فيها شي كانت اشد خلق الله بشعا لو شافها الجني تعوذ من نفسه قربت لمي وانا ابعدوهي تقرب وانا ابعد القاعه كلها جماد اغاني الزفه وقفت رقص البنات وقف عيون الرجال اللي تتطاير يمين ويسار ثبتت على مكان مشفر كل شي وقف مايتحرك الا انا وهي قمت اردد واقول : اللهم إني أعوذ بك من همزات الشياطين وأن يحضرون !! وهي تقرب وانا اردد واقول : اللهم إني أعوذ بك من همزات الشياطين وأن يحضرون !! وهي تقرب اكثر وانا ارجع واعيد نفس المقوله السابق ذكره لييين لزقت بالجدار و جاني هاك الكف اللي لف وجهي سبع مرات
قمت اصارخ واصيح اقول وش تبين مين انتي وش تسوين هنا ليه محد يتحرك ورا العريس عينه ثابته يا ربي انا بحلم ولا علم
قالت لالا يا نمله انتي بعلم يا الثوره
قلت طيب انتي مين
قالت انا اللي بتنقذتس وبتنقذ البشريه كلها انا اللي اعدل اخطائكم يا مال المصع انا لو اني اخذ فلوس على شغلي ذا كان زماني صرت اغنا اغنياء العالم وسويت تقشير وتبييض بشره احمم احمم اختس ام سأد
انا : وشو سأد ذا قسم بالله اختي ما اعرست ولا جابت ولد اسمه سأد
هي :هذا اسمي وسأد هذا اسم ولدي يا الزلابه وبعدين تعالي يومتس تتسنعين قدام ام هالثور وراتس ماسويتي لها شكشوكه !!.
انا: وش شكشوكته الله يصلحتس هذا وقت شكشوكه
هي: يا غبيه ام هالولد تحب الشكشوكه وسوير ماكانت تتميلح عندها بس الشي الوحيد اللي سوته انها طبخت لها شكشوكه اتلى ماهنا قامت الام وخطبتها لولدها
انا: اهااااا طيب يعني لو اني مسويه شكشوكه كان خلاص خطبني واصير انا اللي انزف بدل هالتبن ام فستان احمر
قالت لي ايه تو الناس تفهمين
قلت طيب انا ما اعرف اسوي شكشوكه وش السواه
قالت وانتي يا الحماره تبين تعرسين وانتي ماتعرفين تطبخين تعلمي الله يصلحتس
قلت ماتلاحظين عطيتس وجه كل شوي سابتني وانا محترمتس اقول تكرونيه هذا اسلوبها بس عاد موب قبل تسبيني حدتس عاد لاارمي الكعب بوجهتس الحين بعدين تعالي الحين انتي من انتي
قالت اقول لايكثر هرجتس انا الجنيه حقت قاعه العرس ذي
قلت لها طيب الحين وش فايده هالكلام اللي انتي تقولينه لي الولد اعرس على هالحماره وانا مابيدي الا اني ادور ام عندها ولد طخمه واتحسر على عميرتي
قالت شوفي بتفق معتس اتفاق ارجعتس للماضي شهر كامل بحيث انتس تتعلمين تطبخين الشكشوكه وتتفننين فيها وتطبخينه لامه الثوره عشان تخطبتس بس هاااااه عندي شرط توديني مركز علاج اسوي تقشير وتبييض بشره
قلت ابد ابشري من عيوني تستاهلينها والله واحلى تقشير لشيخه العبيد
قالت طيب وحطت يدها على راسي وقامت تهذري وتتكلم وتقول كلام مافهمت منه شي لين قلبت كل الدنيا بيضا بعيوني
صحصحت لقيت نفسي على فراشي
ومير اني انقز للتقويم واشوف التاريخ بتأكد هو حلم ولا علم والقا نفسي في الماضي وافك خشتني 4 متر
وطيران انقز لاميمتي
يممه يمممممه يممه
امي : وثول وش تبين
انا: امي حبيبتي حياتي انتي علميني كيف اطبخ الشكشوكه
امي: وش الطاري .. مصخنه انتي؟
انا: لا بس قررت اصير مره سنعه
امي: امشي اعلمتس
ومير اللي امشي معها قالت لي هاتي بيض وانقز اجيب لها واكسره واقلبه واحط ملح ومن الذرابه فيني والذهانه جبت طمام بعد < عندي فكره عن الشكشوكه قامت امي تكشن وتقول ركزي يا بنت واتركي شعرتس وانا اللي اركز واقوم اجيب قلم ودفتر روكو واسجل كل المعلومات وطريقه الطبخ واقول لامي طيب بنفع ازيد واحط هذا تقول ايه ابد ينفع واكتب انه امي تقول ينفع ثم اقول ينفع احط هذا وتصفقني طراق تقول غبيه انتي احد يحط باذنجان بالشكشوكه وارجع اكتب امي تقول لاتحطون باذنجان يطلع مسقعه موب شكشوكه همن قالت لي قومي قلبي اشوف وانا اللي ابدا اقلب واحوس لين صار من زود ماهو مستوي اسود < يا حماره محروق موب مستوي وهكذا...
الو الو واحد اثنين ثلاثه الف الصلاه والسلام عليك يا حبيب الله محمد كلوووووووووووووش تغطن يا حريم العريس بينزل مع العروسه تغطن واستحوا على وجيهكم الله يصلحكم وبدت الزفه ونزلت العروسه والعريس الله يا زينه ياهو طخمممه طالع ازين منها ورا شنبه كذا حالق نصه طالع تسنه ابرص شوفي شوفي الولد مستحي والمره لا عرسان اخر زمن والله من قله الحيا المره تسنها تبي العرس شوفي فستانها وششش هاللون الله يرجها اول مره اشوف فستان عرس احمر حليلها سوير مستحيه طيب المكياج اتركي عنتس المكياج شوفي الرجال وع شيفه لا لا حرام والله انه يهبل حسوفه عليه هالبنت < عادي اختلاف اذواق
بدو الناس رقص وغنا وعرض ازياء ايشي اسود اشي احمر اشي اخضر ورايحين جايين يسلمون على المعاريس ويضحكون ضحكتهم الصفرا تميلح قدام العريس هذا ماكان يدور في قاعه الزفاف آن ذاك ..
انا بيني وبين نفسي : اااااااه بس يا زمن لعبت فيني ومرمطتني مرمطه انا وش انا مسويه يوم يصير كل هذا فيني الله يقلعتس يا سوير ماحطم حلمي الا انتي متى اخذتي هالطخمه اذا انا طول الوقت اتميلح قدام امه بعرف متى اخذتيه اااخ بس ليتني متميلحه اكثر يمكن اصير انا اللي بالكوشه ااااااه يا قلبي بس ااااه لو ارجع واوريتس شغلتس واربيتس واتسنع صدق قدام اميمته ااخ
فجأه طلعت وحده مدري من وين عبده جثه تحلفون انها كانت تلعب كوره سله ملابسها كله برتقالي ×برتقالي لاماع المتر بـ 10 تريل عيونها فسفوريه تلمع مركبه سنون ذهب شعرها لو تكدون فيه سنه ما انكد لو تجيبون مكيف صحراوي قبالها ماتحرك فيها شي كانت اشد خلق الله بشعا لو شافها الجني تعوذ من نفسه قربت لمي وانا ابعدوهي تقرب وانا ابعد القاعه كلها جماد اغاني الزفه وقفت رقص البنات وقف عيون الرجال اللي تتطاير يمين ويسار ثبتت على مكان مشفر كل شي وقف مايتحرك الا انا وهي قمت اردد واقول : اللهم إني أعوذ بك من همزات الشياطين وأن يحضرون !! وهي تقرب وانا اردد واقول : اللهم إني أعوذ بك من همزات الشياطين وأن يحضرون !! وهي تقرب اكثر وانا ارجع واعيد نفس المقوله السابق ذكره لييين لزقت بالجدار و جاني هاك الكف اللي لف وجهي سبع مرات
قمت اصارخ واصيح اقول وش تبين مين انتي وش تسوين هنا ليه محد يتحرك ورا العريس عينه ثابته يا ربي انا بحلم ولا علم
قالت لالا يا نمله انتي بعلم يا الثوره
قلت طيب انتي مين
قالت انا اللي بتنقذتس وبتنقذ البشريه كلها انا اللي اعدل اخطائكم يا مال المصع انا لو اني اخذ فلوس على شغلي ذا كان زماني صرت اغنا اغنياء العالم وسويت تقشير وتبييض بشره احمم احمم اختس ام سأد
انا : وشو سأد ذا قسم بالله اختي ما اعرست ولا جابت ولد اسمه سأد
هي :هذا اسمي وسأد هذا اسم ولدي يا الزلابه وبعدين تعالي يومتس تتسنعين قدام ام هالثور وراتس ماسويتي لها شكشوكه !!.
انا: وش شكشوكته الله يصلحتس هذا وقت شكشوكه
هي: يا غبيه ام هالولد تحب الشكشوكه وسوير ماكانت تتميلح عندها بس الشي الوحيد اللي سوته انها طبخت لها شكشوكه اتلى ماهنا قامت الام وخطبتها لولدها
انا: اهااااا طيب يعني لو اني مسويه شكشوكه كان خلاص خطبني واصير انا اللي انزف بدل هالتبن ام فستان احمر
قالت لي ايه تو الناس تفهمين
قلت طيب انا ما اعرف اسوي شكشوكه وش السواه
قالت وانتي يا الحماره تبين تعرسين وانتي ماتعرفين تطبخين تعلمي الله يصلحتس
قلت ماتلاحظين عطيتس وجه كل شوي سابتني وانا محترمتس اقول تكرونيه هذا اسلوبها بس عاد موب قبل تسبيني حدتس عاد لاارمي الكعب بوجهتس الحين بعدين تعالي الحين انتي من انتي
قالت اقول لايكثر هرجتس انا الجنيه حقت قاعه العرس ذي
قلت لها طيب الحين وش فايده هالكلام اللي انتي تقولينه لي الولد اعرس على هالحماره وانا مابيدي الا اني ادور ام عندها ولد طخمه واتحسر على عميرتي
قالت شوفي بتفق معتس اتفاق ارجعتس للماضي شهر كامل بحيث انتس تتعلمين تطبخين الشكشوكه وتتفننين فيها وتطبخينه لامه الثوره عشان تخطبتس بس هاااااه عندي شرط توديني مركز علاج اسوي تقشير وتبييض بشره
قلت ابد ابشري من عيوني تستاهلينها والله واحلى تقشير لشيخه العبيد
قالت طيب وحطت يدها على راسي وقامت تهذري وتتكلم وتقول كلام مافهمت منه شي لين قلبت كل الدنيا بيضا بعيوني
صحصحت لقيت نفسي على فراشي
ومير اني انقز للتقويم واشوف التاريخ بتأكد هو حلم ولا علم والقا نفسي في الماضي وافك خشتني 4 متر
وطيران انقز لاميمتي
يممه يمممممه يممه
امي : وثول وش تبين
انا: امي حبيبتي حياتي انتي علميني كيف اطبخ الشكشوكه
امي: وش الطاري .. مصخنه انتي؟
انا: لا بس قررت اصير مره سنعه
امي: امشي اعلمتس
ومير اللي امشي معها قالت لي هاتي بيض وانقز اجيب لها واكسره واقلبه واحط ملح ومن الذرابه فيني والذهانه جبت طمام بعد < عندي فكره عن الشكشوكه قامت امي تكشن وتقول ركزي يا بنت واتركي شعرتس وانا اللي اركز واقوم اجيب قلم ودفتر روكو واسجل كل المعلومات وطريقه الطبخ واقول لامي طيب بنفع ازيد واحط هذا تقول ايه ابد ينفع واكتب انه امي تقول ينفع ثم اقول ينفع احط هذا وتصفقني طراق تقول غبيه انتي احد يحط باذنجان بالشكشوكه وارجع اكتب امي تقول لاتحطون باذنجان يطلع مسقعه موب شكشوكه همن قالت لي قومي قلبي اشوف وانا اللي ابدا اقلب واحوس لين صار من زود ماهو مستوي اسود < يا حماره محروق موب مستوي وهكذا...
