عساك ماتفرح وتكثر بلاويك

ياللي زعلت ازعل ولاني مراضيـك .,. اشرب كدر ماي البحر كانه ارضاك

لاتحسب اني عقب صـدك بداريـك .,. بعز نفسي عنـك مـادراك مـادراك

سنتين ونص انـا متحمـل تغليـك .,. راضي بتعذيبك لاجل قلـب اغـلاك

وخليتنـي والـيـوم والله لخلـيـك .,. وادوس قلبـي لينـه يقـول خـلاك

قبـل تورينـي الحسايـر بـوريـك .,. ليما يقول فـلان هانـك ... ووراك

كانك تحدانـي فانـا اقبـل تحديـك .,. وانسى الغرام اللي مضى واتحـداك

مانـي بقايلـك عسـى الله يهنيـك .,. الله يحرمـك كـل ماكـان هـنـاك

عسى العمى ياخاين العهـد يعميـك .,. فوق الغرور اللي عن الماضي اعماك

وعسـاك ماتسمـع قريـب يناديـك .,. حيثك تجاهل صوت محـروم نـاداك

وعسى الشلل يعوق رجـل تمشيـك .,. لينك تندم ليـش غيـرت ممشـاك

وعسى حياتك بس فرحـه لشانيـك .,. يلقى بها فرصـه عـدوك ويشنـاك

وعسى الليالي اللي تجيني بطاريـك .,. يصبح عليها الصبح وتموت طريـاك

وعسى المنام وكل راحـه تجافيـك .,. آمين حتـى اللـي تمنـاه يجفـاك

وعساك ماتفـرح وتكثـر بلاويـك .,. وامك تشق الجيب من عظم بلـواك

ولامت جعلك فـي جهنـم تصاليـك .,. نار الجحيم ونـار دنيـاك تصـلاك

الله يكـره فيـك حتـى دوانـيـك .,. غشاش خاين من من الناس دانـاك

هـذي النهايـة روح والله يجازيـك .,. امسك ويومك عنهـم الغـد يجـزاك