أنا سميتك الدنيا وأنت وش تسميني؟

فديتك ياهوى نفسي مـع الشـدات خاوينـي
فديتك لاقسى وقتي علي وناحـت أشجانـي
أبيك في لحظة الفزعه تحط يديـك بيدينـي
وأبيك لياشكيت الياس تكون بساحة أوطانـي
أبيك البلسم لجرحي وأبيك النوم فـي عينـي
وأبيك اللي ليامني صحيت ألقـاه بأحضانـي
طلبتك يابعد ذاتـي أماااااااااانـه لاتخلينـي
تراني لو رحلت أبقى ضحية كيـد عدوانـي
سألتـك بالله الواااالـي سألتـك لاتجافينـي
لأني أمووووت بغيابك ياروحـي وجثمانـي
معي واصل مشاويرك أواسيـك وتواسينـي
معي إبقى مثل ظلـي حـذااااري لاتعدانـي
أبي منك الوعد إنك علـى غيـري تبدينـي
وأنا هذا وعد مني ماأبيعك وأشـري الثانـي
وإذا بلسانك الصادق نطقت وقلـت تغلينـي
أنا بأعلن خبر عاااااجل تعالوا إقروا إعلاني
أبكتب داخل الإعلان إلى من صار يغلينـي
إلى قلبي إلى عمري إلى من صار يهوانـي
إليك أهدي نغم شعري وكل عرق نبض فيني
وإليك أهدي شذى عطري وياسميني وريحاني
وأبكتب داخل الإعلان وصيه كان شارينـي
معي بالطيب عاملني ولاتجـرح بهجرانـي
ومهمـا تقسـي الدنيـا علينـا لاتعاديـنـي
ولاتسعى أبد في يوم في عنـدي وعصيانـي
أبيك دكتور لآلامي مـن أحزانـي تداوينـي
وأبي لاكفت أبصاري تكون النور لأعيانـي
وأبي لافاضت أنفاسي تكـون أول معزينـي
وأبيك بيدينك الثنتين تلـف الجسـم بأكفانـي
وبعد ماأكون في قبـري تذكرنـي وتبكينـي
وأكون حزن على بالـك ماتغفـل وتنسانـي
أبي لاقالوا العذال وش اللي بينـك وبينـي؟
تبسم وتدمع عيونك مـن الحسـره وفقدانـي
وتجاوبهم إنـي حـي وبالأضـلاع تخفينـي
وإني سلوة الخاطر معك لاصـرت وحدانـي
أبيك تقول هو مامـات أحاكيـه ويحاكينـي
أبيك تقول هو موجـود وخبيتـه بوجدانـي
أبيك تقول هو دمـي اللـي فـي شرايينـي
لأنك دمي اللي كان يضخه عـرق شريانـي
وأبي لازادت جراحـك تخيلنـي وتنادينـي
وتفتش داخل شعـورك وتهمسلـي وتلقانـي
وإذا طال السفر إقـرا كتاباتـي ودواوينـي
وقل ياكثر ماخلي كتب لي شعـر وأهدانـي
ترى لو للقصيـد عيـووون والله ماتقدينـي
لأني للقصيد عيون وإسمـك رمـز ديوانـي
وترى لو للحروف أهداب تعجـز لاتغطينـي
لأني للحروف إيحا ووحيك سـر لإذعانـي
تداركت الزمـن يمـك الا ياليـت يمدينـي
أخاف أجيك متأخر وسيف الوقـت ياطانـي
نسيت من أجلك الصادق اللي الروح يعطيني
ونسيت الأول والآخر والقاصي مـع الدانـي
وجاري المسح للباقي وأنـت اللـي تكفينـي
حرام أحط معك غيرك وأحبك وأظلم الثانـي
كفايه أنت في دنيـاي أمـل باقـي يسلينـي
أمل صوته إذا ضاع الأمل ألقـاه بأركانـي
كفايه همسـك الحانـي إذا جانـي يدفينـي
ويبدد وحشة ظروفي وتشرق فرحة أكوانـي
تراك بعالمي شمعـه تبـدد ظلمـة سنينـي
وتراك بدنيتي دنيا لها لـون وشكـل ثانـي
ودنيا" مابها حسك ماأبيهـا وعمرنـا فانـي:
أنـا سميتـك الدنيـا وأنتـه وش تسمينـي؟