كلمتين عتاب

جفل فكري ونا اسامر بقايا شمعتي وكتــاب
وصـوره جنبهاتذكار عليها اسمـين محفوره
غفا جفني ونا اكابر على جرح خفا ماطـــاب
على هالحــال انا صـابر اعالج نفس مكسوره
عطيتك وش تبي اكثر بقلب انفتح لك بــاب
غـــلا لك حيل ماقصـر سكنت بعالي قصوره
تعابيره جفا غلطه يحسبك سيد هالاحبــــاب
تــــجازيه الجفا تقتـل مشـاعر فيك مجبوره
انا ماني على خبرك ابا اصل عالي المرقـاب
وردد لك بصوت ان الهوىفيني انتهى دوره
نويت اشب في وجارك الا يالصاحب الكذاب
تذوق وتكتوي بنارك لهيب عفـــت اناجوره
على الطاري ترا لك في الخفا كلـمتين عتاب
حسافه كان ذا حالك جحــــود وفاقد شعوره
طفيت الشمعه وبابي قفلته انتهينا اغــراب
وقلبي ماهو بكيفك جســر يحـــلا لك عبوره