كيف نستفيد من قوقل ؟

اليوم حبيت أبين لكم كذآ نوقطة موهيمه جدا جدا جدا وتفيد منتدآنآ العزيز كثير طبعآ أغلبكم يعرف أهمية محرك البحث قوقل لكل موقع وصآرت في الفترهـ الآخيرهـ الزيارات العظمى تكون عن طريقة

طيب السؤال هنا كيف نكسب ود ومحبة مستر قوقل هذا ويخلي الناس يجون لمنتدانآ أنا اقولكم كيف

أنا بأوضح لكم بعض النقاط وخلونا نطبقها ونمشي عليهآ آآوكي؟؟ اوكي

1- عنوآن الموضوع حاولوا يكون بقدر الامكان مختصر ويدل على المحتوى الداخلي ويرمز لأهم نقطه للموضوع وللقسم اللي هو فيه مثلا

عندي موضوع توبيكات شي طبيعي بيكون بقسم التوبيكات طيب كيف اصيغ العنوآن بيكون كذآ ( توبيكات ملونة خيالية ) هذا على سبيل المثال خلينا في البداية اهم الكلمات اللي هي توبيكات ملونه ليه ؟

لأن الشخص لما يبحث بالقوقل شي طبيعي بيكتب (توبيكات ملونه) ماراح يكتب مثلا (تنحط على الجرح يبراء) فراح يطلع له موضوعك في الصفحه الاولى بإذن الله

او مثلا في قسم البرامج الاضافية نكتب اسم البرنامج على طول مع رقم النسخه تبعه مثلا Messenger Plus 3.0.3 او ماسنجر بلس 3.0.3 بدون ضاافات مالها داعي



2- عنوان الموضوع حاول تبعد عن الزخرفة والرموز والاقواس اللي مالها داعي وخلي كتابتك طبيعيه بدون آ او إ او المد مثل كــــــذا وخلي حركاتك كلها بوسط الموضوع برآحتك



3- لما تنقل موضوع من منتدى ثاني أهم شي غير عنوان الموضوع ولا يكون نفسه مطابق اما اللي بداخل الموضوع بكيفك انت حر فيه بس حاول تضيف له بعض الافكار منك او تكتب في نهاية الموضوع رأيك فيه وتعليقك الخاص



4- الردود والتعليقات مهمه بالنسبه للقوقل ويأرشفها فياليت نبتعد عن ردود شكرا وبارك الله فيك اتمنى يكون رد كل عضو اثراء زياده للموضوع واضافات له مو مشكله نغلط او مانعرف نعبر بس مع المحاولات راح نكون قادرين نكتب مواضيع كامله بأنفسنا


5- القوقل دايما يركز على اسم الموضوع ويعطيه نسبه 70 من الاهميه وبعدها اول سطرين او ثلاثه في الموضوع ويعطيها 20 وباقي الموضوع يعطيه 10 الارقام تقريبيه وكمثال وليست دقيقه

يعني اهم شي عندنا الحين اسم الموضوع لازم نختصره ويكون وصف دقيق للموضوع وبعدها اول سطرين بالموضوع ماتخلوا من الاهميه


6- لما تجي تكتب عنوآن الموضوع تبداء حسب نوعية القسم مثلا

قسم التوبيكات نكتب عنوان الموضوع (توبيكات ...............) والباقي عليك
قسم الصور الرمزية (صور رمزية.......) (صور شخصية........) او اي شي
قسم البرامج (برنامج...........)
قسم الشعر(ابيات.........) (قصيدة........)
وعلى هالمنوال

اتمنى تكون وآضحه وسهله


هذا اللي عندي الحين ولما أحصل اي شي غاب عني راح اضيفه بالموضوع وما نستغني عن ملاحظاتكم وارائكم

واللي مو فاهم شي ماعليه الا يسأل وانا اجاوبه وتحت امرهـ